მდებარეობა: კახეთი, ყვარლის მუნიციპალიტეტი, გრემის ნაქალაქარი, მდ. ინწობას მარჯვენა სანაპირო, თბილისიდან 150 კმ.

ტერიტორია: 18747 კვ.მ

სამუშაო საათები: ყოველდღე, ორშაბათის გარდა, 10:00-17:00 სთ.

მისამართი: რაიონი ყვარელი, სოფ. გრემი

მისვლა შესაძლებელია: მიკროავტობუსით თბილისი-თელავი-გრემი; თბილისი-ყვარელი- გრემი. 

 

გრემი - კახეთის სამეფოს სატახტო ქალაქი 1466-1616 წლებში

 

აქ ნახავთ: მთავარანგელოზთა კომპლექსს - ქალაქ გრემის უძველეს უბანს, ლევან კახთა მეფის მიერ 1565 წელს აგებული მთავარანგელოზთა ეკლესიითა და პალატ-სამრეკლოთი, ,,მეფეთა დარბაზის" ექსპოზიციით, აღდგენილი მარნითა და გალავნით. სავაჭრო უბანს - ქალაქის ყველაზე ხალხმრავალ ადგილს -აღდგენილი ქარვასლა-ქულბაქებით, მათარსას ეკლესიით (1593-1595 წწ.), ჭიშკრითა და გალავნით, აბანოს არქეოლოგიურად გამოვლენილი ნაშთებით. ახალ მუზეუმს  - ,,გრემის ნაქალაქარი" -  გრემის ქალაქობის ამსახველი ექსპოზიციით.

 

ღირშესანიშნაობა:

 

ნეკრესის სამონასტრო კომპლექსი:  მინიატურული ბაზილიკა (IV ს.) – ერთი ყველაზე ძველი ეკლესიათაგანი საქართველოში; დიდი სამეკლესიანი ბაზილიკა (VI-VII სს.), გუმბათიანი ეკლესია (IX ს.), სატრაპეზო, სასახლე (IX-X სს.)  სათვალთავლო კოშკი (XVII ს.), მცირე სამლოცველოები, წარმართული ხანის  არქეოლოგიური კომპლექსის ნაშთები.