29 ოქტომბერს პარიზში კულტურული მემკვიდროების სამიტის ფარგლებში,წარმომადგნელობით ცერემონიაზე ევროკომისიისა და ევროპა ნოსტრას,შემოქმედებითი ევროპის პროგრამით დაფინანსებული კულტურული და ბუნებრივი მემკვიდრეობის სფეროში - ევროპული მემკვიდრეობის პრიზის /ევროპა ნოსტრას ჯილდოს 2019 წლის გამარჯვებულებს დააჯილდოვებენ.სხვადასხვა ნომინაციებში გამარჯვებულ 26 ლაურეატთან ერთად ევროპისუმაღლესი აღიარების პრიზი ციხე-სოფელი მუცოს რესტავრაციის პროექტსაც გადაეცემა, რომელიც საკონკურსო ნომინანტად საქართველოს კულტურული მემკვიდრეობის დაცვის ეროვნულმა სააგენტომ 2018 წელს წარადგინა.გამარჯვებული პროექტების დაჯილდოებასთან ერთად, 7 ნომინაციაში გამოვლინდებიან გრან პრის მფლობელებიც. წარმომადგენლობით ცერემონიაზე დასახელდება საზოგადოების რჩეული პროექტის ვინაობაც, რომლისგამოსავლენად ხმის მიცემის პროცედურა მთელი მსოფლიოს მასშტაბით 15 სექტემბრამდე მიმდინარეობდა.
ღონისძიებას დაესწრებიან ევროპა ნოსტრას პრეზიდენტი ბ-ნი პლასიდოდომინგო, ევროკომისარი განათლების, კულტურის, ახალგაზრდობისა და სპორტის საკითხებში ბ-ნი ტიბორ ნავრაჩიჩი, საფრანგეთისა და ევროკავშირის სხვა მაღალი რანგის წარმომადგენლები. დაჯილდოების ცერემონიას დელეგაციასთან ერთად ესწრება საქართველოს პრეზიდენტი ქ-ნი სალომე ზურაბიშვილი. კულტურული მემკვიდროების სამიტზე საქართველოს დელეგაცია განათლების, მეცნიერების, კულტურისა და სპორტის მინისტრის მოადგილის - ლევან ხარატიშვილის, კულტურული მემკვიდროების დაცვის ეროვნული სააგენტოს გენერალური დირექტორის - ნიკოლოზ ანთიძის, პროექტის ავტორთა ჯგუფისა და პროექტის შემსრულებელი კომპანიის სახითაა წარმოდგენილი. დაჯილდოების საზეიმო ცერემონიალი 22:00 საათზე დაიწყება, რომელიც პირდაპირ ეთერში გადაიცემა. https://www.youtube.com/watchv=yi6wEYJxvew&feature=yout…
* კონსერვაციის კატეგორიაში ევროპული მემკვიდრეობის პრიზის / ევროპა ნოსტრას ჯილდოს გამარჯვებულად ციხე-სოფელი მუცოს (საქართველო) რეაბილიტაციის პროექტი 21 მაისს გამოცხადდა.
* არქიტექტურული კომპლექსის რეაბილიტაციის პროექტმა 16 ქვეყნის 26
ლაურეატთან ერთად მოიპოვა.
* კონკურსის გამარჯვებულები ცალკეული ორგანიზაციების და ინდივიდების მიერ 34 ქვეყნიდან წარდგენილი 149 განაცხადიდან შეირჩა.
* გამარჯვებულები გამოვლინდნენ კონსერვაციის, კვლევის, მსოფლიო კულტურული მემკვიდრეობაში შეტანილი განსაკუთრებული ღვაწლის, განათლების, სწავლებისა და ცნობიერების ამაღლების მიმართულებებში.
* საქართველოს რესტავრაციის ისტორიაში ერთ-ერთი ურთულესი და მასშტაბური ძეგლის, მუცოს აღდგენისა და გადარჩენის პროექტს 2014 წლიდან საქართველოს მთავრობის, საქართველოს განათლების, მეცნიერების,
კულტურისა და სპორტის სამინისტროსა და ფონდი „ქართუ“-ს მხარდაჭერით, კულტურული მემკვიდრეობის დაცვის ეროვნული სააგენტო ახორციელებს.
* მუცოს რეაბილიტაციის საწყისი 2 წლის განმავლობაში სახელმწიფო საბიუჯეტო დანახარჯების ოდენობამ (2014-2015 წწ) 1 მილიონ 450 ათასი ლარი შეადგინა. მომდევნო 3 წლის განმავლობაში კი საქველმოქმედო ფონდის მიერ გაღებული დანახარჯების ჯამურმა ოდენობამ 1 მილიონ 215 ათასი ლარი მოიცვა.