მდებარეობა: – შიდა ქართლი, ქალაქი მცხეთა და მისი შემოგარენი, თბილისიდან 21 კმ.
ტერიტორია: სხვადასხვა ეპოქის უძველესი კომპლექსები 30 ჰექტარზეა განლაგებული.
სამუშაო საათები: ყოველდღე, ორშაბათის გარდა, 10:00 - 17:00 სთ.
მისამართი: ქ. მცხეთა, დავით აღმაშენებლის ქ. N51. 
მისვლა შესაძლებელია: ავტობუსით /მიკროავტობუსით/მატარებლით: თბილისი-მცხეთა.

მცხეთა - საქართველოს უძველესი დედაქალაქი  გამორჩეული  წინაქრისტიანული და ქრისტიანული ხანის უმნიშვნელოვანესი ისტორიული ძეგლებით, რომელთა  დიდი ნაწილი UNESCO-ს მსოფლიო კულტურული მემკვიდრეობის ნუსხაშია დაცული. 

აქ ნახავთ: ქართლის მეფეთა რეზიდენციას (ძვ.წ. III ს.) – არმაზციხეს (ბაგინეთი);  იბერიის მეფეთა – პიტიახშების - არმაზისხევის რეზიდენციას (სასახლის კომპლექსი, აბანო, პიტიახშთა სამარხები - II-III სს.); სამთავროს სამაროვანს (ძვ.წ. II ათასწ. -VIII ს.), მავზოლეუმის ტიპის აკლდამას (I ს.).

მცხეთა საქართველოს უძველესი ქრისტიანული ცენტრია. მეორე იერუსალიმად წოდებულ ქალაქში წმინდა ჯვრის, ანტიოქიის, გეთსიმანიის ეკლესიებია აღმართული; სვეტიცხოვლის ტაძარში დაფლულია უფლის კვართი.

მუზეუმ-ნაკრძალის არქეოლოგიურ მუზეუმში დაცულია ძვ.წ. IV ათასწლეულიდან X-XII სს. დათარიღებული არტეფაქტები; ანტიკური ხანის ოქრომჭედლობისა და მინის კოლექციები, უძველესი მცხეთის ყოველდღიური ყოფის ამსახველი ნიმუშები.

სპეციალური შეთავაზება: საბავშვო-საგანმანათლებლო პროგრამები

ღირშესანიშნაობები:
ჯვრის მონასტერი VI ს.
სვეტიცხოველი XI ს.
სამთავროს დედათა მონასტერი XI ს.
შიომღვიმის მონასტერი VI –XVIII სს.
ზედაზნის მონასტერი VI-XVIII სს.
ბებრისციხე (ადრეული შუა საუკუნეები)
საგურამოს ილია ჭავჭავაძის სახლ-მუზეუმი