ბორჯომის მხარეთმცოდნეობის 
მუზეუმი

 

 


ბორჯომის მხარეთმცოდნეობის მუზეუმი







მდებარეობა: ქალაქი ბორჯომი, მდინარე მტკვრის მარცხენა ნაპირი, თბილისიდან 160 კმ.
ტერიტორია: 584 კვ.მ.
სამუშაო საათები: ყოველდღე, ორშაბათის გარდა, 10:00 - 17:00 სთ.
მისამართი: ქ. ბორჯომი, წმ. ნინოს ქუჩა N5.
მისვლა შესაძლებელია: მიკროავტობუსით/ავტობუსით – თბილისი-ბორჯომი;
მატარებლით – თბილისი-ბორჯომი.

მუზეუმის შენობა განთავსებულია რუსეთის საიმპერატორო ოჯახის – რომანოვების
– კანცელარიის შენობაში. ფსევდოგოთური სტილის არქიტექტურული ნაგებობა გერმანელმა
ინჟინერ-არქიტექტორმა ვ.შვეიერმა 1890 წელს ააგო.

ბორჯომის მხარეთმცოდნეობის მუზეუმი არქეოლოგიური, ისტორიულ_ეთნოგრაფიული,
გამოყენებითი ხელოვნებისა და მხარის ბუნების განყოფილებებისგან შედგება.

აქ ნახავთ: უნიკალურ ბრინჯაოს სამკაულსა და იარაღს (ძვ.წ II-I ათასწლეულები),
მრავალფეროვან ნუმიზმატიკურ კოლექციას (ძვ.წ V – ახ.წ. XX სს.), რომანოვების პირად ნივთებს:
ევროპული და აზიური წარმოების ჭურჭელს, იარაღს, ფერწერულ და გრაფიკულ ნამუშევრებს,
აგრეთვე ბუნების საოცრებას – გაქვავებულ ხეს გოდერძის უღელტეხილიდან და სხვ.

თვალწარმტაც ბორჯომის ხეობაში მნახველს შეუძლია გაეცნოს საერო და საეკლესიო
ხუროთმოძღვრების არაერთ მნიშვნელოვან ძეგლს:

  • უდუღაბოდ ნაგები მეგალითური კომპლექსები
  • თორის ადრე შუასაუკუნეების ნასოფლარები
  • ახალდაბის ციხე (ადრე შუასაუკუნეები)
  • პეტრეს ციხე (ადრე შუასაუკუნეები)
  • ნეძვის მონასტერი (IX ს-ის II ნახ.)
  • მწვანე მონასტერი (IX-XI სს.)
  • ქვაბისხევი (IXს.)
  • ტაძრისი (Xს.)
  • უზნარიანის ციხე (ადრე შუასაუკუნეები)
  • ტიმოთესუბანი (XII-XIII სს. მიჯნა.)
  • დაბის წმ. გიორგი (XIVს.)
  • გოგიას ციხე (გვიანი შუასაუკუნეები)
  • რომანოვების სასახლე
  • აწყურის ციხე და საეპისკოპოსო ტაძარი
  • ახალციხის მხარეთმცოდნეობის მუზეუმი.

 

მისალოცი ბარათის გაგზავნა